گەردون و زەوی لە دیدی ئیسلامدا بەشی یەکەم ن د. کامل النجار .. و. مەریوان هەڵەبجەیی

ئیسلام و زانست

 

ن د. کامل النجار .. و. مەریوان هەڵەبجەیی .. پێداچوونەوەی مەحمود موحەممەد عوسمان

بەشی یەکەم

 

چه‌ندین كتێب، هه‌ركتێبه‌ی له‌چه‌ندین به‌رگدا، ده‌رباره‌ی موعجیزه‌ی زانستی قورئان هه‌ن. لێره‌دا هه‌ندێكیان ده‌خه‌ینه‌ روو. له‌وانه‌شه‌ تووشی وه‌ڵامدانه‌وه‌ی هه‌ندێكیان ببم به‌تایبه‌تی كتێبی (the bible the quran and science  )ی (دكتۆر موریس بوسیل).

 ئه‌و راستییه‌ ساده‌یه‌ی كه‌ده‌بێت خه‌ڵكی لێی به‌ئاگابن ئه‌وه‌یه‌ كه‌قورئان وه‌ك په‌یامێك هات قه‌ناعه‌ت به‌خه‌ڵكی بكات كه‌خوا هه‌یه‌و دواتریش هه‌ندێك شه‌ریعه‌تیان بۆ روون بكاته‌وه‌. باوه‌ڕم وایه‌ قورئان بۆ ئه‌وه‌ دانه‌به‌زیوه‌ پێشبینی ئه‌و گۆڕانكارییه‌ زانستییانه‌ بكات كه‌له‌داهاتووداو دوای هه‌زاران ساڵ روو ده‌ده‌ن. ئه‌و خه‌ڵكانه‌ی هه‌وڵ ده‌ده‌ن قورئان بكه‌نه‌ كتێبێكی كیمیاو فیزیا هیچ خزمه‌تێک به‌قورئان ناگه‌یه‌نن چونكه‌ توێژینه‌وه‌کان له‌قورئان چه‌ندین شتی نادروست و ده‌ربڕینی پێچه‌وانه‌وه‌ له‌گه‌ڵ زانستی سه‌رده‌مدا ده‌سه‌لمێنن.

با له‌ئه‌لف و بای فیزیاوه‌ ده‌ست پێبكه‌ین تا بیرۆكه‌یه‌كمان ده‌رباری ئه‌م جیهانه‌ هه‌بێت كه‌تێیدا ده‌ژین. سه‌ره‌تا له‌تیشكه‌وه‌ ده‌ست ده‌كه‌ین كه‌خێراییه‌كه‌ی له‌یه‌ك چركه‌دا (186,000) میله‌. تیشكی خۆریش (93) ملیۆن میل له‌ئێمه‌وه‌ دووره‌, له‌به‌ره‌به‌یاندا که‌رۆژ هه‌ڵدێت هه‌شت ده‌قیقه‌ی پێده‌چێت تا ده‌گاته‌ لای ئێمه‌.

 ئه‌م جیهانه‌ی ئێمه‌ له‌چه‌ندین مه‌جه‌ره‌ پێكهاتووه‌، ئه‌و مه‌جه‌ره‌یه‌ی که‌زه‌وییه‌كه‌ی ئێمه‌و خۆری تێدایه‌ ناونراوه‌ (the milky way ). له‌م مه‌جه‌ڕه‌یه‌دا بلیۆنه‌ها ئه‌ستێره‌ی تێدایه‌، هه‌ندێكیان له‌خۆره‌كه‌ی ئێمه‌ گه‌وره‌ترن. زه‌ویش له‌چه‌قی بازنه‌ی ئه‌م مه‌جه‌ره‌یه‌وه‌ (26,000) ساڵی تیشكی دووره‌. گه‌ر بزانین كه‌ساڵێكی تیشكی یه‌كسانه‌ به‌و ماوه‌یه‌ی كه‌تیشك تێپه‌ڕ ده‌بێت له‌3.26ساڵ (تیشك له‌رۆژێكدا 400/070/16 میل ده‌برێت، واته‌ نزیكه‌ی شانزه‌ ملیۆن میل، ئه‌گه‌ر ئه‌م ژماره‌یه‌ كه‌ڕه‌تی (365) رۆژ بكه‌ین ئه‌وا ئه‌و ماوه‌یه‌مان ده‌ست ده‌كه‌وێت كه‌تیشك له‌ساڵێكدا ده‌یبڕێت، یه‌ك ساڵی تیشك ده‌گاته‌ نزیكه‌ی (000/000/384/190 میل). به‌م ژماره‌یه‌ تاڕاده‌یه‌ک دووریی زه‌ویمان له‌مه‌جه‌ره‌كه‌دا بۆ ده‌رده‌كه‌وێت. له‌كاتێكدا دووری خۆر له‌چه‌قی مه‌جه‌ڕكه‌وه‌ دوورییه‌که‌ که‌مرۆڤ به‌ناڕه‌حه‌ت ده‌توانێت مه‌زه‌ندی بكات كه‌ده‌گاته‌ (000/000/000/000/000/200) ژماره‌ دوو ئینجا حه‌ڤده‌ سفر. جا ئه‌گه‌ر ملیۆنه‌ها مه‌جه‌ڕه‌ی دیكه‌ بخه‌ینه‌ سه‌ری ئه‌و كاته‌ گه‌وره‌یی و قه‌به‌یی ئه‌م گه‌ردوونه‌مان بۆ ده‌رده‌كه‌وێت.

با له‌دروستكردنی زه‌ویی و ئاسمانه‌وه‌ ده‌ست پێبكه‌ین كه‌زانایان به‌و شێوه‌ ده‌یبینن. (د. موریس) ده‌ڵێ (له‌سه‌ره‌تادا ئه‌م جیهانه‌ بریتی بووه‌ له‌تۆپه‌ڵه‌ غازێكی هایدرۆجین و هیلیوم و ناو ده‌برێ به‌(nebula) به‌ربه‌ره‌ غازه‌كان دابه‌شی چه‌ندین تۆپه‌ڵه‌ بوون كه‌قه‌واره‌یان جیاواز بووه‌، هه‌ندێكیان قه‌باره‌ی ده‌گاته‌ سه‌د ملیۆن ئه‌وه‌نده‌ی قه‌باره‌ی خۆر, قه‌باره‌ی خۆریش یه‌كسانه‌ به‌(000/300) جار له‌زه‌وی گه‌وره‌تر. له‌ئه‌نجامی ئه‌م دابه‌شبوونه‌ چه‌ندین مه‌جه‌ڕه‌ دروست بوون كه‌بلیۆنه‌ها ئه‌ستێره‌ی تێدا بێت. هه‌ندێكیان چه‌ندین جار له‌خۆری ئێمه‌ گه‌وره‌ترن. به‌هه‌مان شێوه‌ چه‌ندین هه‌ساره‌ی وه‌ك زه‌وی و زوحه‌ل و مه‌ریخ دروست بوون. هه‌رده‌بێ وه‌ك ئه‌م زه‌وییه‌ی ئێمه‌ زه‌وی دیكه‌ هه‌بێت که‌تا ئیستا زانست نه‌یتوانیوه‌ بیدۆزێته‌وه‌.

 كاتێكیش غازه‌كان دابه‌ش بوون و خۆرو هه‌ساره‌ دروست بوون رووی سه‌ره‌وه‌ی خۆرو هه‌ساره‌كان به‌هۆی كارلێكردنی گه‌ردیله‌كانه‌وه‌، كه‌به‌رده‌وام له‌ناوه‌وه‌ی خۆرو هه‌ساره‌كاندا به‌رده‌وام بوو، له‌پله‌یه‌كی ته‌واو به‌رزی گه‌رمی دابوو. رووی زه‌ویش ئه‌وه‌نده‌ گه‌رم بو به‌كه‌ڵكی ژیان نه‌ده‌هات. هه‌روه‌ها هیچ ریزبه‌ندییه‌ك یان رێكخستنێك بۆ پێكهاته‌ی ئه‌م ته‌نه‌ ئاسمانیانه‌ نه‌بووه‌.١

هه‌روه‌ها (د. موریس) ده‌ڵێت (زانایان ته‌مه‌نی مه‌جه‌ڕه‌ی ئێمه‌یان به‌ده‌ بلیۆن ساڵ مه‌زه‌نه‌ كردووه‌. خۆرو زه‌وییه‌كه‌شمان ته‌مه‌نیان نزیكه‌ی (چوار بلیۆن و نیو) ساڵه‌, ئه‌م مه‌جه‌ڕه‌یه‌ی ئێمه‌ی تێداین (the milky way) سه‌د بلیۆن ئه‌ستێره‌ی تێدایه‌، وێناكردنی ئه‌م حاڵه‌ت و دیمه‌نه‌ به‌ڕاستی ئاسان نییه‌و تیشكی خۆر پێویستی به‌(000/90) ساڵی تیشكی هه‌یه‌ بۆ ئه‌وه‌ی بتوانێ له‌مسه‌ره‌وه‌ بچێته‌ ئه‌وسه‌ری ته‌نها مه‌جه‌ڕه‌که‌ی ئێمه‌).٢

به‌ دانپێدانانی خودی (د. موریس) زانستی سه‌رده‌م ئه‌مه‌ ده‌ڵێت. به‌ڵام با بڕوانینه‌ قورئان و بزانین چی ده‌ڵێت:

 قُلْ أَئِنَّكُمْ لَتَكْفُرُونَ بِالَّذِي خَلَقَ الْأَرْضَ فِي يَوْمَيْنِ وَتَجْعَلُونَ لَهُ أَندَادًا ذَلِكَ رَبُّ الْعَالَمِينَ, وَجَعَلَ فِيهَا رَوَاسِيَ مِن فَوْقِهَا وَبَارَكَ فِيهَا وَقَدَّرَ فِيهَا أَقْوَاتَهَا فِي أَرْبَعَةِ أَيَّامٍ سَوَاء لِّلسَّائِلِينَ, ثُمَّ اسْتَوَى إِلَى السَّمَاء وَهِيَ دُخَانٌ فَقَالَ لَهَا وَلِلْأَرْضِ اِئْتِيَا طَوْعًا أَوْ كَرْهًا قَالَتَا أَتَيْنَا طَائِعِينَ, فَقَضَاهُنَّ سَبْعَ سَمَاوَاتٍ فِي يَوْمَيْنِ وَأَوْحَى فِي كُلِّ سَمَاء أَمْرَهَا وَزَيَّنَّا السَّمَاء الدُّنْيَا بِمَصَابِيحَ وَحِفْظًا ذَلِكَ تَقْدِيرُ الْعَزِيزِ الْعَلِيمِ.٣

(بڵێ، باشه‌ ئێوه‌ باوه‌ڕتان به‌وه‌ نییه‌ خودا له‌ماوه‌ی دوو رۆژدا زه‌وی دروست كردووه‌و هاوه‌ڵی بۆ داده‌نێن.؟؟ ئه‌و په‌روه‌ردگاری هه‌موو جیهانیانه‌، زه‌وی شاخه‌كانی دامه‌زراندووه‌و هه‌موو رزق و رۆزییه‌كانی تێدا بڕیارداوه‌، ئه‌مانه‌شی له‌ماوه‌ی چوار رۆژدا ته‌واو كرد تا نیاز و داخوازییه‌كانی مرۆڤ جێبه‌جێ بكات، ئێنجا ویستی ئاسمان رێك بخات و دروستی بكات كه‌دوكه‌ڵ بوو، ئینجا خودا به‌ئاسمان و زه‌وی وت ئایا ئێوه‌ به‌خۆشی خۆتان دێنه‌ ژێر ده‌سه‌ڵاتمه‌وه‌ یاخود به‌زۆر؟ وتیان ئێمه‌ ملكه‌چی تۆین، له‌ماوه‌ی دوو رۆژی دیكه‌دا ئاسمانه‌كانی كرده‌ حه‌وت چین (ته‌به‌قه‌)و فه‌رمانی بۆ هه‌ر چینێكیش ده‌ركرد، ئاسمانی دونیاشمان به‌ئه‌ستێره‌ رازانده‌وه‌و كردمانه‌ چراخان و هۆی پاراستن له‌شه‌ڕی شه‌یتانه‌كان ئه‌وانه‌ هه‌مووی به‌ویستی خودایه‌كی باڵا ده‌ست و زانایه‌).

كۆی مانای ئایه‌ته‌كه‌ ئه‌وه‌یه‌ خودا له‌ماوه‌ی دوو رۆژدا زه‌وی دروست كردووه‌ كه‌یه‌ك هه‌ساره‌یه‌، ئینجا له‌ماوه‌ی چوار رۆژدا شاخه‌كانی داكوتاو رزق و رۆزی دابه‌شكردووه‌، ئه‌مه‌ شه‌ش ڕۆژ، ئینجا ئاسمانی دروست كرد كه‌دووكه‌ڵ بوو، وه‌ئه‌و هه‌موو مه‌جه‌ڕانه‌شی دروست كرد كه‌پێشتر باسمان كرد، له‌گه‌ڵ خۆرو بلیۆنه‌ها ئه‌ستێره‌ كه‌رووبه‌ری هه‌ندێكیان چه‌نده‌ ملیۆنێك له‌خۆر گه‌وره‌تره‌، كه‌رووبه‌ری خۆر ده‌گاته‌ سێ سه‌د هه‌زار جار له‌رووبه‌ری زه‌وی، هه‌روه‌ها چه‌ندین هه‌ساره‌ی دروست كردووه‌ كه‌هه‌ندێكیان وێكچووی زه‌وین و بۆی هه‌یه‌ زانست له‌پاشه‌رۆژدا ئاشكرای بكات، وه‌ك (د. موریس) ده‌یڵێت، هه‌موو ئه‌مانه‌ی له‌ماوه‌ی ته‌نها دوورۆژدا دروست كردووه‌.!! ئایا ئه‌مه‌ له‌گه‌ڵ زانستدا یه‌كده‌گرێته‌وه‌؟؟.

بڕوانە بەشی دووهەم









[1]The Bible The Quran and Science By Dr Maurice Bucaille

Published By Tahrike Tarsile Quran Inc, New York 1982, P150







[2]Same Reference, p 151







[3]فصلت 9 , 12




ڕێکه‌وتی بڵاوکردنه‌وه 2011-09-04 14:31:00
به‌شی ( مه‌ریوان هه‌ڵه‌بجه‌یی ) ئاماده‌کرد ( ن د. کامل النجار .. و. مەریوان هەڵەبجەیی )



كاتێكیش, غازه‌كان, دابه‌ش, بوون, و, خۆرو, هه‌ساره‌, دروست, بوون, رووی, سه‌ره‌وه‌ی, خۆرو, هه‌ساره‌كان, به‌هۆی, كارلێكردنی, گه‌ردیله‌كانه‌وه‌, كهن, د, کامل, النجار, , و, مەریوان, هەڵەبجەییگەردون, و, زەوی, لە, دیدی, ئیسلامدا, بەشی, یەکەم, ن, د, کامل, النجار, , و, مەریوان, هەڵەبجەیی Tags





دینی ئیسلام



وَقَالَتِ الْيَهُودُ لَيْسَتِ النَّصَارَىٰ عَلَىٰ شَيْءٍ وَقَالَتِ النَّصَارَىٰ لَيْسَتِ الْيَهُودُ عَلَىٰ شَيْءٍ وَهُمْ يَتْلُونَ الْكِتَابَ ۗ كَذَٰلِكَ قَالَ الَّذِينَ لَا يَعْلَمُونَ مِثْلَ قَوْلِهِمْ ۚ فَاللَّـهُ يَحْكُمُ بَيْنَهُمْ يَوْمَ الْقِيَامَةِ فِيمَا كَانُوا فِيهِ يَخْتَلِفُونَ ﴿١١٣﴾ وَمَنْ أَظْلَمُ مِمَّن مَّنَعَ مَسَاجِدَ اللَّـهِ أَن يُذْكَرَ فِيهَا اسْمُهُ وَسَعَىٰ فِي خَرَابِهَا ۚ أُولَـٰئِكَ مَا كَانَ لَهُمْ أَن يَدْخُلُوهَا إِلَّا خَائِفِينَ ۚ لَهُمْ فِي الدُّنْيَا خِزْيٌ وَلَهُمْ فِي الْآخِرَةِ عَذَابٌ عَظِيمٌ ﴿١١٤﴾ وَلِلَّـهِ الْمَشْرِقُ وَالْمَغْرِبُ ۚ فَأَيْنَمَا تُوَلُّوا فَثَمَّ وَجْهُ اللَّـهِ ۚ إِنَّ اللَّـهَ وَاسِعٌ عَلِيمٌ ﴿١١٥﴾ وَقَالُوا اتَّخَذَ اللَّـهُ وَلَد ...