که‌شتی نوح له‌ قورئاندا به‌سه‌رهاتێکی ڕاستیه‌ ؟؟ یان خورافه‌ و ئه‌فسانه‌ کۆنه‌کان ؟؟ ( به‌شی یه‌که‌م )  ناچارم له‌ هه‌موو بابه‌تێکدا ئه‌م قسه‌یه‌ دوباره‌ که‌مه‌وه‌ بۆ موسولمانه‌کان که‌ ( هه‌موو چیرۆک و ئه‌فسانه‌ و بۆچونه‌کانی قورئان ) به‌ هه‌زاره‌ها ساڵ پێش اسلام لای شارستانیه‌ کۆنه‌کانی پێش خۆی بونی هه‌بوه‌ ،، واتا قورئان نه‌ هیچ زانیاریه‌کی تازه‌ی هێناوه‌. نه‌ زانیاریه‌کانی ڕاستن ،، به‌ڵکو ئه‌م کتێبه‌ پێکهاتوه‌ له‌ کۆمه‌ڵێک چیرۆک و ئه‌فاسانه‌ و هه‌ڵه‌ی زانستی و لۆژیکی ،، جا هه‌ندێکی له‌ ئاینه‌ کۆنه‌کانی پێش خۆی وه‌رگرتوه‌ به‌ که‌م و کوڕی و جیاوازی هه‌ندێکی تر له‌ شارستانیه‌ کۆنه‌کانی پێش خۆی دیسان به‌ شێواوی ، یان به‌ ده‌ستکاری کردنه‌وه‌ به‌ مه‌به‌ست .
که‌شتیه‌که‌ی نوح دیسان بۆ عه‌قڵی مرۆڤی ئه‌م سه‌رده‌مه‌ ده‌ست نادات له‌ بونی زانست و زانیاریدا وه‌کو هه‌موو قسه‌یه‌کی تر له‌ قورئاندا. پێشه‌کی ته‌مه‌نی نوح ۹٥۰ ساڵ بوه‌ که‌ ده‌ستی کردوه‌ به‌ دروستکردنی ئه‌م که‌شتیه‌ دوای ئه‌وه‌ی خوا داوای لێ کردوه‌ ،، له‌به‌ر ئه‌وه‌ی قه‌ومه‌که‌ی گوێڕایه‌ڵی نوحیان نه‌کرد و نه‌هاتونه‌ته‌ سه‌ر ڕێگای.
ئایا خوا هه‌موو شتێک نازانێت ؟؟
ئایا پێش له‌دایک بونی نوح ئه‌یزانی که‌ قه‌ومه‌که‌ی دوای نوح ناکه‌ون ؟؟ یان نه‌یه‌زانی ؟؟ ئه‌گه‌ر نه‌یزانیوه‌ که‌واته‌ خوا نیه‌ و پێچه‌وانه‌ی قسه‌کانی قورئانه‌ که‌ خوا هه‌موو شتێک ئه‌زانێت.
ئه‌گه‌ر ئه‌یزانی سودی ئه‌م په‌یامه‌ چی بوو که‌ ناردی بۆ نوح ؟؟
ئه‌گه‌ر ئه‌یزانی بۆچی ۹٥۰ ساڵ چاوه‌ڕوانی کرد ؟؟ ئایا پێی وا بوو قه‌ومه‌که‌ی نوح پێچه‌وانه‌ی زانیاریه‌کانی خۆی ئه‌بن و موفاجه‌ئه‌ی بۆ دروست ئه‌که‌ن ؟؟ کۆکردنه‌وه‌ی هه‌موو ئاژه‌ڵه‌کانی سه‌ر زه‌وی له‌ لایه‌ن نوحه‌وه‌.
۱-  پێویسته‌ ئه‌وه‌ بزانین که‌ نزیکه‌ی (۱۰ ملیۆن) جۆر ئاژه‌ڵ و گیاندار هه‌یه‌ له‌سه‌ر زه‌وی، که‌واته‌ کۆکردنه‌وه‌ی نێر و مێ له‌هه‌ر جۆرێک ئه‌کاته‌ (۲۰ ملیۆن) گیاندار له‌سه‌ر ئه‌و که‌شتیه‌. خه‌ڵکینه‌ بیری لێبکه‌نه‌وه‌ ( ۲۰ ) ملیۆن گیان دار له‌ناو یه‌ک که‌شتیدا.
ئایا ئه‌مه‌ دارۆین بوو یان نوح ؟؟
ته‌نیا بیر له‌وه‌ بکه‌ره‌وه‌ چۆن نوح توانی ئه‌م هه‌مو گیانداره‌ ڕاو بکات به‌ ته‌نیا و چۆن توانی له‌ جێگایه‌ک بیان پارێزێت تاکو ڕانه‌که‌ن له‌ ده‌ستی ؟؟
ئایا نوح توانیویه‌تی دیناسۆر ڕاو بکات ؟؟ ئایا توانیویه‌تی شێر و پڵنگ و ورچ ڕاو بکات ؟؟ ئایا ناوی دیناسۆر له‌ قورئاندا هاتوه‌ ؟؟
دیناسۆره‌کان نزیکه‌ی ۳۰۰ - ۵۵۰ جۆری جیاوازیان هه‌بوه‌ ،، له‌ هه‌ر جۆرێک نێر و مێیه‌ک ئه‌نجامه‌که‌ی ئه‌کاته‌ ( ۱۰۰۰ ) هه‌زار دیناسۆر .. ئایا ئه‌زانیت ته‌نیا ئه‌مه‌ چه‌نێک ڕوبه‌ر و مه‌ساحه‌ی پێویسته‌ ؟؟
۲- ئایا ئه‌زانیت که‌ ( ۲٥۰۰۰ ) جۆر په‌پوله‌ و ( ۱۰۰۰۰ ) جۆر باڵنده‌ هه‌یه‌ ؟؟ له‌ هه‌ر جۆرێک جوتێک نێر و مێ چه‌ند ئه‌کات ؟؟ ۳- ئایا مێروله‌ و مێش مشک و قالۆنچه‌ و مارمێلکه‌ی له‌گه‌ل خۆی بردبو ؟؟
٤- ئایا که‌شتیه‌ک له‌ دار و ته‌خته‌ دروستکراو به‌رگه‌ی ئه‌م هه‌موو قورسایی و هێزه‌ ئه‌گرێت ؟؟
٥- ئایا نوح توانی خواردنی جیاواز بۆ ئه‌و هه‌موو جۆره‌ زینده‌وه‌ره‌ جیاوازه‌ ئاماده‌ بکات له‌ ناو که‌شتیه‌که‌ بۆ ئه‌و ماوه‌ دورو درێژه‌ ؟؟؟ ئایا قورسایی ئه‌و خواردانه‌ چه‌ند ( طه‌ن ) بوو ؟؟ چه‌ند هه‌زار کیلۆ ؟؟
٦- ئایا ئه‌و هه‌موو گیانداره‌ جیاوازه‌ توشی په‌لامار دان و هێرش کردنه‌ سه‌ر یه‌کتر نه‌بون له‌ناو که‌شتیه‌که‌دا ؟؟ بۆ نمونه‌ ئایا پشیله‌ مشکی نه‌خوارد ؟؟ ئایا شێر و پڵنگ ئاسکه‌که‌یان نه‌خوارد ؟؟ و هه‌موو ئه‌وانه‌ی تریش به‌م جۆره‌ ؟؟
۷- ئایا چۆن توانیان له‌و سه‌رمایه‌دا بژین و ڕه‌ق نه‌بنه‌وه‌ له‌و به‌رزایه‌دا و چۆن توانیان هه‌ناسه‌ بده‌ن له‌ که‌می ئۆکسجین له‌و ئاسه‌ته‌ به‌رزه‌دا بۆ ماوه‌ی یه‌ک ساڵ ؟؟
۸- دوای هاتنه‌ خواره‌وه‌یان له‌ که‌شتیه‌که‌ چۆن توانیان هه‌ر یه‌ک له‌و گیاندارانه‌ بگه‌ڕێنه‌وه‌ بۆ ئه‌و که‌ش و بار و ئاو هه‌وایه‌ی که‌ تایبه‌ته‌ به‌ خۆیان و تیا ئه‌ژین ؟؟
۹- ئایا ئه‌م لافاوه‌ هه‌موو سه‌رزه‌وی گرته‌وه‌ ؟؟ یان نیوه‌ی ؟؟ یان که‌متر ؟؟ ئه‌گه‌ر هه‌موو زه‌وی نه‌بوه‌ که‌واته‌ دروستکردنی که‌شتیه‌ک به‌و جۆره‌ و به‌و هه‌موو ساڵه‌ هیچ مانایه‌کی نیه‌ ،، چونکه‌ نوح ئه‌یتوانی سه‌فه‌ر بکات و بچێت بۆ جێگایه‌کی تر ،، ئه‌گه‌ر هه‌موو سه‌ر زه‌ویش بوه‌ ئه‌مه‌ مه‌حاڵه‌ توانیبێتی ئه‌و هه‌موو جۆر ئاژه‌ڵه‌ له‌ سه‌رانسه‌ری جیهان کۆبکاته‌وه‌ ئه‌مه‌ش مانای ئه‌وه‌یه‌ که‌ ( بیردۆزی په‌ره‌سه‌ندن ڕاسته‌ ) که‌ ئه‌م هه‌موو جۆر ئاژه‌ڵه‌ بونی هه‌یه‌ ،، و خه‌لق کردنی خوا درۆیه‌ . چونکه‌ پێویسته‌ له‌ سه‌رده‌می نوحه‌وه‌ هه‌موو جۆره‌ ئاژه‌ڵ و گیانله‌به‌ر و ده‌یناسۆره‌کان بونیان هه‌بو بێت .
۱۰- ئایا خوا بۆچی چاوه‌ڕوانی نه‌کرد تاکو ڕۆژی قیامه‌ت بۆ تۆڵه‌ کردنه‌وه‌ و محاسه‌به‌ کردنی ئه‌م قه‌ومه‌ ،، وه‌کو موسوڵمان بڕوای به‌ قیامه‌ت و جه‌هه‌نه‌م هه‌یه‌ ؟؟ ئه‌ی بۆچی ئێستا هه‌مان موعجیزه‌ به‌سه‌ر اسرائیلدا ناهێنێت که‌ هه‌موو عه‌ره‌ب و اسلام گیریان خواردوه‌ به‌ ده‌ستیانه‌وه‌ ؟؟ له‌ کۆتایدا زۆر گرنگه‌ هه‌مومان بزانین له‌ ( ملحمه‌ی گلگامشدا ) چۆن باسی ئه‌م لافاوه‌ کراوه‌ ،، ئه‌مه‌ش بۆ به‌شی دوه‌می باسه‌که‌... 

صورة
ڕێکه‌وتی بڵاوکردنه‌وه 2014-07-27 15:55:14
به‌شی ( دینه‌کانی تر ) ئاماده‌کرد ( نووسینی به‌ڕێز په‌یوه‌ند سلێمانی!!! )



ناچارم, له‌, هه‌موو, بابه‌تێکدا, ئه‌م, قسه‌یه‌, دوباره‌, که‌مه‌وه‌, بۆ, موسولمانه‌کان, که‌, , هه‌موو, چیرۆک, و, ئه‌فسانه‌, و, بۆچونه‌کانی, قورئان, نووسینی, به‌ڕێز, په‌یوه‌ند, سلێمانیکه‌شتی, نوح, له‌, قورئاندا, به‌سه‌رهاتێکی, ڕاستیه‌, , یان, خورافه‌, و, ئه‌فسانه‌, کۆنه‌کان, , , به‌شی, یه‌که‌م Tags





دینی ئیسلام



وَقَالَتِ الْيَهُودُ لَيْسَتِ النَّصَارَىٰ عَلَىٰ شَيْءٍ وَقَالَتِ النَّصَارَىٰ لَيْسَتِ الْيَهُودُ عَلَىٰ شَيْءٍ وَهُمْ يَتْلُونَ الْكِتَابَ ۗ كَذَٰلِكَ قَالَ الَّذِينَ لَا يَعْلَمُونَ مِثْلَ قَوْلِهِمْ ۚ فَاللَّـهُ يَحْكُمُ بَيْنَهُمْ يَوْمَ الْقِيَامَةِ فِيمَا كَانُوا فِيهِ يَخْتَلِفُونَ ﴿١١٣﴾ وَمَنْ أَظْلَمُ مِمَّن مَّنَعَ مَسَاجِدَ اللَّـهِ أَن يُذْكَرَ فِيهَا اسْمُهُ وَسَعَىٰ فِي خَرَابِهَا ۚ أُولَـٰئِكَ مَا كَانَ لَهُمْ أَن يَدْخُلُوهَا إِلَّا خَائِفِينَ ۚ لَهُمْ فِي الدُّنْيَا خِزْيٌ وَلَهُمْ فِي الْآخِرَةِ عَذَابٌ عَظِيمٌ ﴿١١٤﴾ وَلِلَّـهِ الْمَشْرِقُ وَالْمَغْرِبُ ۚ فَأَيْنَمَا تُوَلُّوا فَثَمَّ وَجْهُ اللَّـهِ ۚ إِنَّ اللَّـهَ وَاسِعٌ عَلِيمٌ ﴿١١٥﴾ وَقَالُوا اتَّخَذَ اللَّـهُ وَلَد ...