مه‌لاکانی کوردستان له جیاتی وه‌لام، ئاوا عبدلخالقیان تێرۆر کرد.

عەبدولخالق مەعروف کێیه‌و بۆچی موسڵمانه‌کان تیرۆریان کرد

ئه‌م نوسه‌ره‌ بوێره‌ له‌دایکبووی گوندى (سید عبید)ى سەر بە ناحیەیی دیبەگەى ناوچەى کەندێناوەى دەشتى هەولێرە لە 1/1 / 1935 لە بنەماڵەیەكى ئایینى هاتۆته‌ دونیا، قۆناغى منداڵیى هەر لەوێ بەسەر بردووە و هه‌ر له‌وێ تا پۆلى پێنجەمى سەرەتاییی خوێندووە.

پاشان له‌لایه‌ن باوكىه‌وه‌ لە قوتابخانە دەرهێنراوه‌و لە خوێندنى ئایینى دانراوه‌، بەشە سەرەتاییەكانى خوێندنى ئایینیی لە كەندێناوە و ناوچەكانى دەوروبەرى تەواو کردووه‌، پاش ماوەیەك لەگەڵ كۆمەڵێك لە فەقێكانى كەندێناوە و شارى هەولێر، نزیكەى دووسەد ئیمزایان كۆكردۆته‌وه‌و وەكوو داواكارییەك خستویانەته‌ بەردەم خوێندنگەى ئایینیی، هەتا بە شێوەیەكى ڕەسمیى ئەو خوێندنگەیان بۆ بكرێتەوە، واته‌ لە برى گەڕان بە دواى حوجرە و مەلاكاندا و خوێندكارى ئایینى ڕوو بكاتە خوێندنگەیەكى ڕەسمیى. هێشتا لە تەمەنى مێرد منداڵیدا بووسەردانى پارێزگارى ئەوكات (ئیسماعیل حەقى) كردوه‌ و لەبارەى داواكارییەكەیان بۆى دوا و گیروگرفتى فەقێكانى بۆ ڕوون كردەوە كە چۆن لە ڕێگەى حوجرەكان و گەڕان بە دواى مەلاكاندا دووچارى ناڕەحەتى دەبوون، پارێزگار كاتێك گوێى لێگرت داواكەیانى بە ڕەوا زانى و پشتگیریى لێكردن.

دواى ئەوەى كە (عەبدولخالق مەعروف) زانستە ئایینییەكانى خوێندوه‌ و گەیشتۆتە ئاستێكى دیارى شارەزایى لەو بوارەدا، بڕیاریداوه‌ بچێ بۆ میسر، بۆ ئەوەى لە زانكۆى ئەزهەر درێژە بە خوێندن بدا، لە ڕۆژى 2 /4 / 1954 كە ئەوكات تەمەنى 19 ساڵان بوو چوو بۆ میسر، بەڵام بە بیانووى نەبوونى بڕوانامەى ڕەسمیى دانپێدانراو داواكەى پشتگوێ خرا و هەلى خوێندنى لەو زانكۆیە بۆ نەڕەخسا، لەبەر ئەوە بە ناچارى گەڕاوه‌وە بۆ هەولێر.

پاشان چووەته‌ بەغداد، لەوێدا لەكن مامۆستایان: (محەمەد قزڵجى و عەلادین سەجادى) دەستى كردەوە بە خوێندن، لە پاش ماوەى دوو ساڵ درێژەدان بە خوێندن، لە مانگى نیسانى 1956 دا (عەبدولخالق مەعروف) بەشداریی تاقیكردنەوەیەكى كرد كە بۆ ئیمان تابورى بوو، لەو تاقیكردنەوەیەدا سەركەوتنى بە دەست هێنا و هەر لەو ساڵەدا بووه‌ بە ئەندامى پارتى دیموكراتى كوردستان و درێژەى بە خەباتى كوردایەتى خۆیداوه‌

گەلێك كارى گرنگى پڕ بایەخیشى بۆ بزووتنەوەى كوردایەتى ئەنجام داوە، لە سەردەمى خەباتى نهێنیدا و ماوەیەكى زۆر (ساڵح یوسفى) سیاسه‌تمه‌داری دیاری کورد لە ماڵى ئەواندا ژیاوە.

(عەبدولخالق مەعروف) هەر لە تەمەنى لاوێتییەوە ئارەزووى زانست و زانیاریى هەبووە، لە ساڵى 1960 دا دەستى داوەتە دروستكردنى جۆرێك لە ئێزگەى ڕادیۆیى، لەم كارەیشیدا بەردەوام بووە، تا لە ساڵى 1970 دا كە ئەو كاتە لە بەغدا نیشتەجێ بوو، ئێزگەیەكى دروست كرد، لە كاتى كارپێكردنى ڕادیۆیەكەدا لە ڕێگەى بەكارهێنانى ئامێرێكى بچووكەوە ئەو مەودایەى تاقیكردەوە كە ڕادیۆكە دەیگەیشتێ.

لە ساڵى 1973 دا شارى بەغدادى بەجێهێشت و گەڕایەوە بۆ هەولێر، پاشان لە كۆیەدا پەیوەندیی بە شۆڕش كردەوە، لەوێش كەڵكیان لە توانا و شارەزاییەكەى وەرگرت بۆ دامەزراندنى ئیزگەى شۆرش لە ناوچەى (ژاژڵە)، عەبدولخالق، هەر خۆیشى بەرپرس و سەرپەرشتیارى كاروبارى تەكنیكیی و هونەریی ئەو ئێزگەیە بووە. 

لە ساڵى 1974 دا، لەكاتى گفتوگۆى نێوان حكومەت و شۆڕشى ئەیلولدا كراوە بە بەڕێوبەرى گومرگى قەزاى دوكان، لە كاتى بە بنبەست گەیشتنى گفتوگۆ لەلایەن ڕژێمى ئەو كاتەوە دەستگیر کراوه‌و ڕەوانەى بەندی خانەى بەغداد كراوە، لەوێشەوە گواستراوەتەوە بۆ موسڵ، پاشان ئازاد کراوه‌.

دواى ڕِاگەیاندنى ڕِێككەوتننامەى ئازارى 1970، لە نێوان حكومەت و شۆرشدا گەڕاوه‌تەوە بۆ هەولێر، لە 1/5/ 1972 دا شۆڕش ناردویه‌تی بۆ(چیكوسلوفاكیا) بە مەبەستى خوێندن لە بوارى ئامێر و ئامرازە ئەلیكتڕۆنییەكاندا لە كۆمپانیاى (تیسلا)، نزیكەى ساڵێك لەوێ ماوه‌تەوە وبڕوانامەى دیبلۆمى لەو بوارەدا وەرگرتوه‌. 

لە ساڵى 1976 دا لە هەولێر دوكانێكى بۆ كاروبارى تەكنیكى كردەوە و وەكالەتى (ئەجهیزەى دەقیقەى)وەرگرتوه‌.

جگە لەزمانى دایك، زمانەكانى (عەرەبى، فارسى، ئینگلیزى)یشی بە باشى دەزانى، هەروەها بەشێكیش لە زمانەكانى (ڕوسى و ئەڵمانى) و کۆمه‌ڵێک به‌رهه‌می چاپکراوی هه‌یه‌. 

یه‌کێک له‌به‌رهه‌مه‌ ناوازه‌کانی ئه‌م شکۆمه‌نده‌ کتێبێک بووبه‌ناوی (ئادەمیزاد لە كۆمەڵى كوردەواریدا)، تێیدا کۆمه‌ڵێک ڕه‌خنه‌ی له‌ قورئان و ئیسلام کردبوو، به‌تایبه‌ت له‌ بواری مافه‌کانی ژناندا. دواى چەند ڕۆژێك لە بڵاوكردنەوەى كتێبه‌که‌ی لە دواى نیوەڕۆى ڕۆژى10/5/1985 دا و لە بەردەگەى ماڵى خۆى، له‌بری وه‌ڵامدانه‌وه‌ی به‌ده‌ستی موسڵمانه‌کان تیرۆر کرا.

یادت به‌خێر شکۆمه‌ندی به‌ڕێز. ئه‌و کاته‌ی له‌بری وه‌ڵامت دانه‌وه‌ت تیرۆریانکردیت ئه‌وه‌ت بۆ ئێمه‌ سه‌لماند که‌ تۆ ڕاستت کرد.! بۆ ڕیسوابوونی تیرۆرستان و شکۆمه‌ندی زیاتر هه‌وڵی بێوچان ده‌ده‌م له‌بیر نه‌چیته‌وه‌، وه‌ک کاره‌کانی پێشووترم که‌ کردوومه‌و بۆ له‌مه‌ودواش که‌ ده‌یکه‌م له‌ناو هه‌موو به‌رنامه‌و به‌رهه‌مه‌کانمدا ناوو وێنه‌ت زه‌ق ده‌که‌مه‌وه‌ تا هه‌تایه‌ ببیته‌ په‌ڵه‌یه‌کی ڕه‌ش به‌نێوچه‌وانی دینی ئیسلامه‌وه‌.

ئه‌مه‌ش لینکی کتێبه‌ به‌ناوبانگه‌که‌ی

ئاده‌میزاد له‌ کۆمه‌ڵی کورده‌واریدا
ڕێکه‌وتی بڵاوکردنه‌وه 2017-08-17 18:52:38
به‌شی ( دینی ئیسلام ) ئاماده‌کرد ( مه‌ریوان هه‌ڵه‌بجه‌یی )



ئیماندارەکانی, ئاینی, ئیسلام, ئاینی, ئاشتی, و, پێکه‌وه‌ژیان, و, یه‌کترقبوڵکردن, نه‌یتوانی, وه‌ڵامی, ئه‌م, نوسه‌ره‌, بدەنه‌وه‌و, بەهاوکاری, ئەمنی, عامەی, حزبی, بەعس, تیرۆریان, کردمه‌ریوان, هه‌ڵه‌بجه‌ییمه‌لاکانی, کوردستان, له, جیاتی, وه‌لام, ئاوا, عبدلخالقیان, تێرۆر, کرد Tags





دینی ئیسلام



وَقَالَتِ الْيَهُودُ لَيْسَتِ النَّصَارَىٰ عَلَىٰ شَيْءٍ وَقَالَتِ النَّصَارَىٰ لَيْسَتِ الْيَهُودُ عَلَىٰ شَيْءٍ وَهُمْ يَتْلُونَ الْكِتَابَ ۗ كَذَٰلِكَ قَالَ الَّذِينَ لَا يَعْلَمُونَ مِثْلَ قَوْلِهِمْ ۚ فَاللَّـهُ يَحْكُمُ بَيْنَهُمْ يَوْمَ الْقِيَامَةِ فِيمَا كَانُوا فِيهِ يَخْتَلِفُونَ ﴿١١٣﴾ وَمَنْ أَظْلَمُ مِمَّن مَّنَعَ مَسَاجِدَ اللَّـهِ أَن يُذْكَرَ فِيهَا اسْمُهُ وَسَعَىٰ فِي خَرَابِهَا ۚ أُولَـٰئِكَ مَا كَانَ لَهُمْ أَن يَدْخُلُوهَا إِلَّا خَائِفِينَ ۚ لَهُمْ فِي الدُّنْيَا خِزْيٌ وَلَهُمْ فِي الْآخِرَةِ عَذَابٌ عَظِيمٌ ﴿١١٤﴾ وَلِلَّـهِ الْمَشْرِقُ وَالْمَغْرِبُ ۚ فَأَيْنَمَا تُوَلُّوا فَثَمَّ وَجْهُ اللَّـهِ ۚ إِنَّ اللَّـهَ وَاسِعٌ عَلِيمٌ ﴿١١٥﴾ وَقَالُوا اتَّخَذَ اللَّـهُ وَلَد ...